NFL ta investigando e informe di leshon di Buffalo Bills

60
NFL ta investigando e informe di leshon den 2019 di Buffalo Bills.
ORCHARD PARK  NFL lo ta investigando si e ekipo di Buffalo Bills lo por a violá e polítika  di e liga ku relashoná na e informashon di leshon ku mester keda entregá, despues ku e ‘defensive end’, Jerry Hughes, lo a skibi riba retnan sosial di a hunga ku un fraktura di algun ligamentu na su pòls.

Aparentemente e leshon na pòls di Hughes no ta figurá riba niun di e informenan entregá di parti e ekipo di Bills durante e temporada 2019. Enberdat e ‘defensive end’ a pèrdè algun sekshon di práktika  òf  tabata limitá debí na un leshon den lis i tabatin tambe dia di sosiegu durante vários periodo den e aña.

Tabata djamars último ku Hughes lo a publiká e notisia aki, un ke otro ilustrando di a hunga ku ligamentu na su pòls kibrá. Durante e konferensiá di prensa na final di temporada, e entrenadó di Bills, Sean McDermott, a ser kuestioná pa e echo ku e leshon na pòls di Hughes no a ser reportá.

“Definitivamente e tabata den e informe di leshon. E no tabata relashoná ku su pòls”, segun McDermott. “E tabata den e informe di leshon, pa su problema na lis segun mi, i despues tabata pa e sosiegu pa hungadónan veterano”.