Ukrania no a haña ningun señal ku tabatin atake na e Boeing aksidentá

64
E asina yamá ‘kahanan pretu’ di e avion aksidentá a logra keda rekuperá

KIEV – Ukrania ya a aksedé na e kahanan pretu di 738-800 di Ukranian International Airlines, aksidentá den oranan di djarason ku 176 persona abordo, pero te ainda no tin niun señal di ku tabatin un atentado terorista.

Na mesun momentu a suprayá ku Kiev, no ta deskartá ningun di e vershonnan, sea un fayo tékniko òf humano, un atentado òf e impakto di un misil, manera a keda denunsiá na Estádos Unídos i Canada.

Mas aleu nan a indiká ku nan úniko ophetivo ta di establesé tur e kousanan di e tragedia di e manera mas hustu i imparsial i si tin responsabelnan den e kaso aki, pa logra pone man riba nan.

Di otro banda a añadí ku e spesialistanan ukraino tambe lo por analisá e grabashonnan di kòmbersashonnan entre e operadó di e sentro di kòntròl di buelo di e aeropuerto di Teheran i e pilotnan.

Relashoná ku esaki a atmití ku ta papiando ku outoridatnan iraní relashoná ku e lugá ku lo analisá e kahanan i a suprayá ku Kiev ke pa esaki tuma lugá na su propio teritorio, ya ku e avionnan ta di nan propiedat.

A ninga tambe e notisia di ku Iran no ta kolaborando ku Ukrania pa klaresé e kousanan di katástrofe.