A detené muhé ku tabata disfrasá na hòmber pa abusá di muchanan

2185
Muhé di 21 aña di edat detené den e kaso aki.

LONDON – Un muhé a keda detené i akusá di violashon seksual kontra menornan di edat despues ku un investigashon a revelá ku e tabata disfrasá su mes di un hóben hòmber ku intenshon di abusá seksualmente di su víktimanan, kua e tabata gaña via di retnan sosial.

E muhé, kende a keda identifiká komo Gemma Watts, di 21 aña di edat, tabata gaña i sita su víktimanan den biahe nan di trein i aki tabata sostené relashon seksual ku esakinan. Esaki ademas tabata pidi nan foto nan íntimo via di retnan sosial, manera entre otro Instagram.

Outoridatnan a revelá ku Watts tabata usa e nòmber di Jake Watto, bistiendo un pèchi, karson hanchu i un tíshùrt di hende hòmber. Esaki inkluso a yega asina leu di hasi bishita na su víktimanan i nan mayornan na kas, aktuando naturalmente komo Jake Watto.