Boy Dap a respondé koro i toka raspu  ku Arnel i su Orkesta den Tumba 1989

243
Na aña 1989 e la respondé koro i toka raspu den Arnell i su Orkaesta den Festival di Tumba.

WILLEMSTAD,—-Na aña 1989 ku ta 31 aña tras di lomba, agrupashon musikal a drenta e anochi final di Festival di Tumba ku tres kantante i esaki nan tabata Carlos Salsbach. Doña Mafalda Minguel i Boy Dap.

T’asina ku Carlos Salbach ta esun ku a kanta promé i Doña Mafalda Minguel a sigui pa despues Boy Dap. Loke ku hopi hende no a para ketu riba dje ta e echo ku, na momentu e kantante Carlos Salsbach tabata presentá su Tumba ku Boy Dap tabata kanta koro i toka raspu.

Mester bisa ku na aña 1989 tabata e delaster festival di Tumba ku a tuma lugá den Stadion di S.U.B.T. T’asina ku despues ku Carlos a kaba di presentá su Tumba, Boy Dap tambe a bandoná e esenario i Carlos a bai respondé koro i toka raspu pa tantu Doña Mafalda Minguel i Boy Dap.

E parti aki sin duda mester bai den e buki di historia. Paso riba e mes un anochi en kuestion Bpy Dap ta keda Korona pa di 8 biaha den su karera i pa di kuater biaha den dékada 80. Tambe ta bin aserka ku Boy Dap ta e úniko Tumbero ku a keda korona na kuater okashon den dos dékada, e la hasi esaki den dékada 70 i den dékada 80. Pa ta presis na aña 1971,1973,1974 i na 1979. Pa loke ta trata den dékada 80 Bpy a gana na 1981,1983,1985 i na aña 1989. Pro loke ku sigur ta bai hala bastante atenshon den e artíkulo aki ta e echo ku na aña 1989 Boy Dap pa respondé koro i toka raspu den Arnell i su Orkesta den Festival di Tumba.