Brett Gardner a renobá kontrakt ku Yankees

93
Gardner a haña dos mion dòler pa firma e kontrakt, i ta kobra un salario di ocho mion durante  próksimo temporada.

NEW YORK,– Djasabra e outfilder Brett Gardner i Yankees di New York a formalisá un kontrakt pa un aña i 12,5 mion dòler.

Yankees a firma dia13 di desèmber, durante e reunionnan di invierno, i e pelotero di 36 aña a aprobá e kontrakt djamars despues di un eksamen médiko.

Ku e konvenio aki ,ku ta e di nuebe aña i 324 mion dòler ku New York a firma luna pasa  ku e picher Gerrit Cole, e presupuesto di Yankees a yega na un 248 mion dòler. Na e nivel aki taq kuminsá apliká e tarifa di mas haltu ku yama “impuesto di luho”.

Gardner a haña dos mion dòler pa firma e kontrakt, i ta kobra un salario di ocho mion durante  próksimo temporada. Yankees tin un alternativa di renovashon pa 2021, ku un klóusula di 2,5 mion..

New York a habri un espasio pa Gardner den e kontrakt  ora nan a pone e picher surdo Stephen Tarpley riba e lista di transferensia.

Gardner a gana 7,5 mion dòler temporada 2019, mas dos mion dor di e klóusula di reseshon, di e

temporada promé.

Den un aliniashon dominá pa batidónan derecho, e surdo Gardner tabatin un promedio di .251 i  a alkansá e mihó sifranan di su karera, ku 28 homerun i 74 kareda empuhá.

Gardner ta e miembro mas veterano di Yankees. El a pasa su 12 kampañanan di Liga Grandi den Bronx.

E tin un promedio di .260, 124 homerun i 524 kareda empuhá.

Nan ta spera ku e ta bai pasa un ratu den senterfild durante e promé mitar di e temporada, miéntras ku Aaron Hicks ta rekuperá di un operashon di Tommy John. Despues lo e pasa pa hunga den leftfild.