Chonki ta kontentu ku tahadónan di forma masal a bai di akuerdo pa traha pa CRU

303
Segun de Lannoy e registrashon a bai bon i tabatin mas ku 800 trahadó ku a registrá di nan mes, pero despues ku a bai pa e fase di trese dokumentonan a keda 750 trahadó.
Willemstad,– Direktor di RdK señor Marcelino ‘Chonki’ de Lannoy ta bisa ku e promé sekshon tabata drùk i 80% a bini i a duna dos presentashon, kon a yega na grupo klesch i kon ta sigui awor pa bira empleado di CRU.

Tabatin hopi pregunta tokante asuntunan médiko i tambe preguntanan riba algu ku no tabata sa i RDK a keda leu for di e asuntu di akuerdonan entre sindikato i KLESCH.Chonki ta bisa ku el a komprondé di sindikatonan ku nan ta apoyá  echo di ku e trahadó por traha pa CRU i ku ya tin kompromiso pa Isla paga sesantia.

“A kuminsá ku firmamentu i hopi hende a firma kaba. Tur hende sa ku unabes bo firma, bo ta den payroll di yanüari”, asina Chonki a bisa.E ta bisa ku e no a tende ku ta kuestioná e kontrakt di CRU i ku tur hende tin derecho di skohe pa sinta warda KLESCH bini.E ta bisa ku e lokual ku a ofresé na KLESCH ta pa trahadónan ku a traha na un refineria haña prioridat i pues tur esnan ku a traha pa PDVSA tin prioridat.

E ta bisa ku aktualmente a ofresé e hendenan ku a traha na refineria pa traha pa CRU i ku RdK ni niun hende por garantisá niun hende ku nan lo pasa pa KLESCH.E ta bisa ku si tur hende ku traha pa CRU ta mas fásil pa e afwikkeling. Segun Chonki ta e mesun hendenan ku tur tempu a deskarga barkunan pa Curoil, ta traha pa CRU. Solamente awor tin sierto kosnan ku ta kambia, paso reglanan di kontabilidat awor ta di CRU i no di isla mas.

E ta bisa ku awor aki e sèn ku RdK ta gastando ta pa salba un industria petrolero i pa salba e forsa laboral. Si e 800 hendenan aki no tin empleo, anto nan eskpertisio ta di petrolero, ta bira hopi difísil, pa e hendenan aki keda Kòrsou i nan lo bai otro kaminda. De fakto Chonki ta bisa ku tabatin otro kompanianan na Kòrsou kaba ku ta rekultando e hendenan pa bai ku nan.