Detenidonan ta reklamá kalidat di kuminda for di Sehos

Nan ta plania akshon pa un momentu pa otro:

3323
WILLEMSTAD—Ya anteriormente Vigilante a publiká un relato amplio pa lokual ta trata e forma ku ta trata kompra dje detenidonan. Manera a bin pa dilanti den un edishon anterior ta asina ku a keda komprobá ku preis di kantina ta mas haltu ku lokual ku tin pone den rèkinan na Best Buy.

 

Ya pa un tempu kaba e prezunan ta hungando ku e idea pa pone un akshon na SDKK. Ta resultá ku awor nan ta sintiendo ku kaminda ku ta preparando nan kuminda no ta tene kuenta ku nan tambe ta ser humano. Den e kaso aki Vigilante a risibí un serie di foto dje detenidonan den kua nan ta reklamá e kalidat di kuminda ku nan a risibiendo for di kushina di Sehos. Ta asina ku nan tin nan fuente ku ta pone nan na altura di tur loke ku ta pasando ku nan kos di kome den prizon. Den e kaso aki ta asina ku nan a keda informá ku e keshi ku nan sa kome ku sa tin okashon ku esaki nan tin beskein riba nan i ku lokual ku ta sosodé ta ku ta pak nan kuné tòg, despues di kita e partinan bèrdè. Hasta nan ta informá dje echo ku tin bewaker ku ta djis rekomendá pa kita e partinan ku ta mustra daña i hinka e keshi den e pannan.

Pa lokual ta trata e kuminda ku nan ta kome ku esaki tambe no ta dje mihó kalidat, paso nan ta informá ku tin okashon ku hasta dos dia para nan tin. Lastu aki mes nan a kue ehèmpel riba un aros ku galiña ku a prepará pa nan ku segun e informashon ku nan tin 2 dia bieu aki. E prezunan ta sinti ku no ta tratando bon i pa nan kome kuminda adekuá ta sagrado. Nan kier pa respetá nan derecho komo ser humano. Redakshon di Vigilante tabatin kontakto ku e detenidonan ku a laga sa ku nan no ta dispuesto na sigui soportá ku ta deskuidá nan salú. Ta asina ku e asuntu di diskrepansia den e preisnan ku nan a konstatá for di biaha pasa kombiná ku e echo ku nan ta kuestioná kalidat di loke ku ta ser bende ku nan a pone ku nan ta hungando mas ku e idea pa un akshon di sorpresa. Nan a indiká na nos ku un momentu pa otro por spera akshon di nan banda.