“Dibo-D” ta den Tumba 2020 ku Randal Corson komo su areglista

188
E ta den Tumba 2020 su di 50 edishon.

WILLEMSTAD,—-Wikènt tras di lomba riba e plataforma di FaceBook diferente hende a pone ku Rei di Tumba 2019 Gilbert “Dibo-D”Doran no ta partisipá e aña aki den Festival di Tumba 2020 su di 50 edishon.

‘E Mulina’, mester bisa ku esaki nan tur ta puru rumor i ku no tin nada pero nada di bèrdat ku “Dibo-D” no ta partisipá e aña aki den Festival di Tumba 2020.Mester bisa ku loke ku a sali riba e plataforma di FaceBook no ta kuadra ku realidat.

T’asina ku ‘E Mulina’, ta hopi serka di famia Doran i nos a haña informashon i alabes konfirmashon ku “Dibo-D” ta den Tumba 2020 ku su agrupashon musikal “ONE FLAVAZ” i e ta bai ku Randal Corsen komo su areglista, mes un kos aña pasa.

Mas aleu ‘E Mulina’, tin informashon ku agrupashon musikal “ONE FLAVAZ” ta bai partisipa den Festival di Tumba 2020 su di 50 edishon ku un Line Up di sinku kantante. Gerente di e banda ariba menshoná ta tuma nan partisipashon den Tumba 2020 hopi na serio, mirando ku nan a kaba di sali banda di aña 2019.