‘Dikon bo tin ku gaña riba nos?’

433
Investigashon di TOD na e sitio.
WILLEMSTAD,—– Durante pro forma di e kaso asesinato ku a tuma lugá dilanti Bakkerij de Zon aña pasá, e sospechoso Druwently Pieter a puntra un otro sospechoso Jerrel Nivillac, kua ta e motibu dikon e ta gañando riba nan. Tur esaki despues ku Nivillac a bisa ku Druwently Pieter huntu ku Sherwin Pieters, lo a bai kita bida di e víktima Francisca 22 di yüni aña pasá.

E hòmber kende Nivillac ta será pa e asesinato di e víktima Idrick Francisca a trese dilanti ku Druwently Pieter i Sherwin Pieters lo a kita bida di e víktima. Tur esaki despues ku lo tabata kere ku  e víktima lo a kita bida di Marlison Pieters algun ratu promé den Kura Piedra i tambe lo tabata spantá mirando segun nan deklarashon tabatin algun persona tabata sigui nan.

Riba e dia en kuestion tabatin algun persona ta sigui nan segun deklarashon di Jerrel, unda el a asta splika ku ta diferente outo lo tabata pasa banda di nan kas despues di e asesinato. Jerrel a splika ku tur hende tabata spantá i ku primeramente e no a bai kas, kual nan lo kier a bai tira riba un vehíkulo ku a pasa, pero su arma kandela no a funshoná.

Nivillac a trese dilanti ku e víktima Francisca lo a asta para serka dje un ratu, kual e la puntr’é pa ‘vloei’. Segun Jerrel ku e la bisa e víktima ku e no tin, unda e la sigui bai. E sospechoso Nivillac a splika den korte ku algu a bisé pa e bai for di e sitio, kual el a drenta su outo i bai for di kaminda nan tur tabata ta. El a bisa ku e la laga e 3 otro sospechosonan na e sitio, esta Sherwin Pieters, Druwently Pieter i Yu Wu.

Tabata siguiente dia segun su deklarashon ku el a bin tende ku a kita bida di e víktima Francisca, ku nan lo tabata yama ‘Pitersai’. Segun su deklarashon ku esaki tabata un fayo di e sospechosonan Pieter i Pieters, esta ku nan lo a kita bida di e víktima inosentemente. Jerrel a bisa wes ku lo tabata kere ku un persona banda di nan kas mes, esta di bario di Rooi Santu lo a kita bida di Marlison Pieter pero no ta Francisca a hasi esaki pues ta pòrnada nan a kita su bida.

El a splika ku e tin sigur ku ta Pieter i Pieters a kita bida di e víktima Francisca, mirando ku el a tende esaki sali for di boka di Druwently Pieter siguiente dia mes. Tabata ora ku el a bai serka Druwently ku el a tende ku nan lo a kita bida di Francisca un dia promé. Tambe el a bisa ta tur 2 sospechoso a tira esta ku primeramente Pieters lo tabatin e arma, kual despues lo el a pasa esaki pa Pieters ku lo a kaba lachi, segun deklarashon di Nivillac.

Durante e kaso a duna Pieter chèns pa e por papia, kual e la bisa ku e kier hasi Nivillac un pregunta. Pieter a puntra Nivillac kiko ta e motibu prinsipal, dikon el a bin gaña riba nan den korte. Segun deklarashon di Pieter ku ta gaña Nivillac ta gaña riba nan, kual Nivillac kende tabata awa na wowo a bisa wes ku e no kier papia nada mas unda el a bai sinta na su asiento.

Nivillac a keda transportá pa korte pa miembronan di Tim di Aresto, miéntras despues a transport’é pa SDKK pa blòk 1.