Dos hòmber detené pa tiroteo den Tilburg

81
tantu sospechoso komo víktima detené
TILBURG—Un hòmber a keda heridá djadumingu mainta durante un tiroteo den un kas den Gregoriusstraat na Tilburg.

Un team di aresto a drenta den e kas algun ora despues i a detené e habitante di e kas komo sospechoso di e tiroteo. E hòmber heridá tambe a keda detené. Alrededor di 6:30 polis a haña un mèlding di tiroteo den Gregoriusstraat. Agentenan a sali mésora pa e sitio pero tur kos tabata trankil. Na mesun momentu e víktima di tiroteo a mèldu ku herida di bala na hospital. El a deklará ku den e kas el a haña problema ku e habitante ku a lòs bala riba dje. A detené e víktima tambe. Mirando e peliger a pidi asistensia di un team di aresto pa detenshon di e sospechoso. E team a drenta e kas di e sospechoso alrededor di 9:50 pa su detenshon. Ainda tin hopi inklaridat riba e motibu di e insidente. Reshèrshi lo kontinuá ku investigashon.