DUO ta haña 800 mion euro pa aña di eks-studiantenan

1924
eks-studiantenan ta kumpli ku 66 mion pa luna
GRONINGEN—Eks-studiantenan ta paga nan debe manera mester ta: tur aña DUO ta haña alrededor di 800 mion euro bèk di debe.

Solamente 2% di debenan ta keda eksonerá segun sifranan ku radio BNR a pidi. E sistema bieu tabata eksistoso segun Alex Rutten di asosiashon di studiantenan LSVb. E sifranan ta trata e sistema bieu di finansiamentu di estudio. E finansiamentu básiko ku a keda eliminá den 2015, tabata duna e studiantenan un suma ku nan no mester a paga bèk. E suma tabata dependé di e entrada di mayornan. Studiantenan por a hasi un fiansa banda di e suma básiko. Por paga e debe bèk den 15 aña. Si e eks-studiante no por paga bèk den e término aki, e debe ta keda eksonerá. Esaki ta solemente den kasonan ku nan entrada ta muchu abou. For di sifranan di DUO (finansiamentu di estudio) ta indiká ku pago bèk ta kana bon. Aktualmente tin un mayoria polítiko pa bini ku e sistema bieu bèk, pero e ta riba agenda pa despues di elekshonnan. E sistema aktual no ta alkansabel segun Rutte. E debe ta keda krese tur luna. E promedio di debe pa studiantenan den e sistema di fiansa nobo ta 21.000 euro. Studiantenan tin 35 aña pa paga bèk despues ku nan kaba nan estudio.