E wikènt aki disishon ta kai si Classic XD ta bai Tumba Si òf No

123
E wikènt aki nan ta disidí si nan ta den Tumba 2020 Si òf No. 

WILLEMSTAD,—–Di informashon ku a drenta na mes di redakshon di ‘E Mulina’, ta bai rondó di e agrupashon musikal di aña den ámbito di Kòmbèk ku ta karga di nòmber Classic XD. Nos a keda pone na altura ku den e wikènt aki desishon ta bai kai si e banda ta bai partisipá den Festival di Tumba 2020 su di 50 edishon.

T’asina ku den luna di novèmber tras di lomba tur kos tabata mustra ku Classic XD ta bai partisipá den Festival di Tumba, asta a keda menshoná ku nan lo bai kompaña tres kantante. Esaki a trese hopi alegria den Kurason di basta fanátiko di e banda ariba menshoná.

Pero ayera ‘E Mulina’, a hañá informashon serka di un fuente ku ta keiru hopi den bisindario di agrupashon musikal Classic XD. I ta ei e la haña di tende ku pa awe nochi i pa mas tardi riba e dia di mana e disishon ta kai, si e banda XD ta bai partisipá den Festival di Tumba 2020 su di 50 edishon.

Den mes un rosea ‘E Mulina’, a haña di komprendé ku pa mas tarda djaluna awor, nos ta haña informashon di e desishon ku gerente i músiko nan di Classic XD a tuma. Mas ku klaro ‘E Mulina’, ta spera ku nan lo skohe pa partisipá den Tumba 2020, paso nan presensia sin duda lo bai hala bastante atenshon den Curaçao Festival Center. Djaluna ku Dios ke, ‘E Mulina’, ta spera ku nos lo haña e kontesta di nan desishon.