Estádos Unídos a intentá di mata otro komandante iraní na Yemen

695
Estádos Unídos i Teheran a supuestamente a duna señalnan di ke baha tenshon.

ESTADOS UNIDOS – Estádos Unídos a lansa, den oranan di siman pasá, un atake aéreo na Yemen, ku e ophetivo di mara Abdul Reza Shahlai, komandante di Forsa Quds di Guardianes di Revolushon iraní, pero no a logra pone fin na su bida.

E operashon aparentemente a keda produsí dia 2 di yanüari, e mesun dia ku un dron estadounidense a asesiná e general poderoso Qasem Soleimaní, na e aeropuerto di Bagdad.

E mishon frustrá aki ta trese e pregunta di ku si e operashon kontra Soleimaní tabata realmente un intento di para posibel atakenan kontra ophetivonan estadounidense, manera a bisa for di White House, òf tabata un plan mas amplio diseñá pa debilitá Guardianes De La Revolushon iraní.

E medio di komunikashon a suprayá ku e departamento di Defensa no a hasi komentarionan relashoná ku supuesto operashonnan na Yemen, un pais unda Estádos Unídos ta mantené su akshonnan militar relashoná ku guera prolongá ku ta biba na e pais, den sekreto.

Shlahai, e supuesto ophetivo di operashon, a keda sanshoná kasi un dékada pasá pa e Departamento di Tesoro di Estádos Unídos, pa su papel den un presunto kòmplòt frustrá pa atentá kontra embahadanan di Arabia Saudí i Israel na Washington. E gobièrnu estadounidense ta mantené un rekompensa di 15 mion di dòler pa su kaptura.

Meskos ku Soleimaní, Shlahai ta forma parti di e liderazgo di Forsa Quds, esun enkargá di operashonnan di Guardia Revolushonario den ekstranhero. Estádos Unídos ta kere ku esaki nan a proporshoná armanan sofistiká na e rebeldenan, ku ta kombatí koalishon liderá pa Arabia Saudí.

E fuentenan konsultá pa medionan di komunikashon no a deskartá ku Estádos Unídos lo por bolbe ataká Shlahai, aunke tantu Washington komo Teheran a duna señalnan di ke baha tenshon.

E operashonnan frustrá ta un indikashon di ku tin un mishon ku un horizonte di planifikashon mas amplio.