Gedion Chandler a bira Direktor musikal i pianista nobo di GIO

210
E Direktor musikal i alabes pianista nobo di agrupashon musikal GIO.

WILLEMSTAD,—-Tur kos ta mustra ku tin masha hopi moveshon na kaminda den nos farándula lokal. Aki aya ‘E Mulina’, a kuminsá ata haña diferente informashon ku sigur lo bai hala masha hopi atenshon i ku sin duda lo bai bira tópiko di kombersashon.

Ora ku tur hende su kabes ta den festival di Tumba, ‘E Mulina’, ta slùip nan i asina saka diferente nengashon ku ta tumando lugá. Den e forma aki ‘E Mulina’, a haña informashon ku e gran maestro pianista Gedion Chandler a bira e Direktor musikal i alabes pianista nobo di agrupashon musikal GIO.

Mester bisa ku for di aña pasa den luna di novèmber e rumor aki a drenta den kaya, pero tur partido a ninga tur kos. Paso ‘E Mulina’, mes a saka un artíkulo ku Gedion Chendler ta rumbo pa GIO, pero manera semper nan a laga sa ku ta spiritu ‘E Mulina’, ta mira.

Ayera ‘E Mulina’, a haña informashon ku awor si Gedion Chandler ta e pianista nobo di agrupashon musikal GIO, pero tambe ta bin aserka ku e la bira e Direktor nobo di e Fuertisimo nan di GIO. ‘E Mulina’, a yama Gibi Doran na masha hopi okashon, pero si resultado deseá, mas despues nos a bin komprendé ku e dia nan aki, ta hopi difísil pa haña Gibi Doran na telefon, nos a komprendé ku Gibi a sera su mes den su kamber pa ningun no strob’é di skibi su Tumba nan. Tambe nos a drenta den kontakto ku Gedion Chanlder, aki tambe nos a haña di komprendé mes un kos, paso Gedion tambe tin algun komposishon i areglo ku ta bai partisipá den Tumba 2020.