Herido i tres detenshon pa eksploshon Born

72
30 kilo vürwèrk ilegal i arma konfiská
BORN—Un hòmber a keda seriamente heridá despues di un eksploshon den un kas na Born segun outoridatnan.

Polis a bisa ku ta trata di un aksidente ku vürwèrk peligroso. E víktima tabata den estado grave pero entretantu ta for di peliger. Den kurso di anochi polis a mèldu tres detenshon. Ta trata di dos hòmber di 61 i 41 aña i un dama (38). Posiblemente nan ta envolví den e insidente. No tin informashon ainda di e motibu. Polis a pidi asistensia di ekspertonan di eksplosivo pa investigá si ainda tin mas vürwèrk den e kas. A resultá ku tabatin mas vürwèrk den e kas. Polis a haña 30 kilo di vürwèrk ilegal inkluso Cobra, pero tambe arma di kandela. E aksidente a tuma lugá alrededor di 18:30 den Heirweg. Entretantu a liberá e tres personanan detené, ku ta keda sospechoso den e kaso. E víktima tambe ta sospechoso den e investigashon.