Juan Soto a permití un HR di su ruman chikí

93

WASHINGTON,– Si tabatin kuriosidat pa sa si e estilo di Juan Soto ta un kos den e famia, e kontesta ta definitivo.

E leftfilder di Nationals, e dominikano Juan Soto, a subi montikulo durante e festival invernal di e klup na Washington pa enfrentá Elián, su ruman mas chikí. Di su pari, Elián a konektá un homerun kontra su ruman mas grandi.

E ruman di mas hóben den famia Soto a demostrá disiplina na bate lagando vários lansamentu pasa. E tambe a apliká e vershon di “Soto Shuffle”, ku ta e famoso baile ku Juan sa hasi ora e ta na bate. Ora e bala a bula e muraya, na e banda kontrali , manera su ruman tin kustumber di hasi, Elián a saboriá e momento ku un rekorido lento rònt di e basenan.

Elián a korona su homerun ku un siñal pa shelu, hopi paresido na loke Juan sa hasi, loke a pone nos pensa ku kualkier dia nos lo por mira un otro Soto hungando den Liga Grandi.