Mas hende ta bini na remarke pa banko di alimento

68
35.500 famia a hasi uso di banko di alimento den 2019
DEN HAAG—Mas famia ta bini na remarke pa haña yudansa di banko di alimento (voedselbank) den aña 2020.

Gabinete a amplia e kriteria pa esnan ku ta bini na remarke. E suma ku un famia ta sobra na entrada pa bini na remarke pa pakete di kuminda a subi ku 5 euro pa persona. Asina un famia di 4 por bai voedselbank si nan sobra 515 euro pa luna despues di kita hür, lus, awa i seguro di malesa. Den 2019 e suma tabata 495 euro. E bestür di banko di alimento kier yuda mas hende. Medio 2019 un kantidat di 35.500 famia a hasi uso di banko di alimento. Esaki ta un parti chikí di e kantidat di hende ku entrada mínimo i ku rísiko riba pobresa. CBS ta kalkulá e kantidat den nesesidat na kasi 600.000 hende. Segun CBS hopi hende no ta buska yudansa pa bergüensa. Pa e motibu aki e banko mes ta bai buska klientenan potensial.