Mas i mas temblor registrá na Puerto Rico di diferente intensidat

63
Algun di e dañonan ku a keda atras despues di diferente temblornan registrá.

SAN JUAN – Puerto Rico ta sigui registrá temblornan di diferente intensidat despues di e temblor di 6.4 grado di djamars último ku a provoká morto di un persona, míles di refugiado i un number te ainda indeterminá di edifisio i bibiendanan dañá.

E ret di temblor di Puerto Rico a informá ku e último temblor, di magnitut 4.5 i ku a keda produsí na 6:55, a keda ubiká na 34 kilometer ost-sùitost di Ponce.

E réplika a keda lokalisá na un punto eksakto situá entre 17.90 latitut i -66,87 longitut i na 7 kilometer di profundidat. Esaki sin ku e tabatin un aviso, atvertensia òf vigilansia di sunami pa Puerto Rico i Virgin Island.

For di oranan di mei anochi di djasabra a registrá algun temblor den e mesun area, un di magnitut 3.4 na 5 or i 33 minüt i otro di magnitut 4.9 na 3 or i 59 minüt.

Situashon di wer
Ademas di e temblornan aki, awor ta uni un situashon instabil na Puerto Rico relashoná ku fuerte bientunan di entre 32 i 48 kilometer pa ora.

E Servisio Nashonal di Meteorologia a informá ku Puerto Rico ta mantené su mes bou di un aviso debí na intensidat di e bientunan.

Laman tambe ta presentá mal kondishonnan ku olanan di te asta 5 meter di altura.

Servisio di koriente na e pais
Di otro banda e logra establesé e servisio di elektrisidat na 1.4 mion di persona, serka di 98% pues esaki a kolapsá djamars tras di lomba komo konsekuensia di e temblor di magnitut 6.4 grado.

E problema prinsipal di e suministro eléktriko, ta konsentrá na e munisipio di Yauco, na sùitost di e isla, na e punto mas serka di e episentro prinsipal di e temblor di djamars último.

E direktor di e ret di temblornan di Puerto Rico, Victor Huerfano, a atvertí ku despues di e temblor di magnitut 6.2 grado di djamars, lo sigui un multitut di réplikanan asosiá, kua lo keda registrá den oranan di e siman nobo aki.

Otro temblor den oranan di djasabra
E rekuperashon na Puerto Rico a bolbe sufri un kontratempu mas, den oranan di djasabra mainta. Esaki na momentu ku a bolbe registrá un temblor di magnitut 6, spesialmente e parti sùit di e pais, provokando esenanan di pániko nobo entre e poblashon ku na algun kaso ta rekuperando te ainda di e konsekuensianan di orkan Maria. Esaki a pasa na luna di sèptèmber di aña 2017 i a laga saldo di 3 mil morto i pèrdida nan ekonómiko multimionario.