Meteo ta konsehá pa no drenta laman i landa

2049
Nortkant- E situashon di laman, na kostanan di Kòrsou ta sigui alarmante. Ayera servisio meteorológiko a emití un boletin di urgensha i prekoDen e boletin nan a splika ku kondishon di laman ta poko peligroso probablemente ta kontinuá den nos área pa un te dos dia mas. E bientu fuerte lo sigui kousa olanan haltu prinsipalmente riba laman habri i tambe riba laman na nort i ost di e isla. Den un otro aspekto, nubianan kapabel di produsí un yobida pasahero riba nos isla i bisindario lo kontinuá. Segun meteo ta trata di olanan entre 2 te 3 meter (6 pa 10 pia) riba laman habri i e partinan na nort i ost. Na e otro kostanan e olanan t moderá te basta brutu ku altura di ola entre 1.5 te 2.5 meter (4 pa 8 pia). Meteo a konsehá usuarionan di boto nan chikí pa no sali.

Mas lat ayera, e servisio a emití mas atvertensha. Nan a splika pa tene kuenta ku posibilidat di resake i posibel inundashon. Debí na e posibilidat di inundashon, Meteo a konsehá pa doñonan di fasilidat na kosta, tuma medida di prekoushon pa protehá nan propiedat. Ademas a konsehá pa no drenta laman sino keda na kantu.•