Polis ta haña arsenal di arma na kas di hóben (17)

98
arsenal di arma konfiská
VLISSINGEN—Outoridatnan polisial a haña un kantidat grandi di arma den kas di un hóben di 17 aña na Vlissingen.

Ta trata di arma blanku i arma di kandela, inkluso pistol ku uzi falsu. Pa koinsidensia polis a haña pista di e armanan despues ku e hóben tabata envolví ku su skùter den un aksidente di tráfiko segun Omroep Zeeland. E aksidente a tuma lugá alrededor di 17:00 ayera entre Vlissingen i Middelburg. E hóben a keda heridá i mester a bai hospital. Na e sitio agentenan a haña diferente plèstik ku droga i tambe un arma blanku den e skùter. Asina agentenan a disidí di tene entrada den kas di e hóben kaminda nan a bin haña armanan falsu den su kamber. Tambe a haña mariwana i vürwèrk ilegal. Den hospital a deskubrí ku e hóben tabata bou di influensia di droga. Mas despues polis lo interogá e hóben pa posibel detenshon.