Sanó a akordá ekstenshon ku Minnesota

96
Miguel Angel Sanó a partisipá den sinku kampaña den Liga Grandi ku Twins, den kual e tin un linea di .245/.338/.498 ku 118 homerun i 315 kareda empuhá den 486 kompromiso.

MINNESOTA,– Twins no solamente a evitá arbitrahe salarial ku Miguel Ángel Sanó, sino  nan  a akordá tambe un ekstenshon di tres aña ,ku e tersera base dominikano balorá na 30 mion, segun un fuente a informá Mark Feinsand di MLB.com.

Sanó ta bai gana 27 mion dòler den e promé tres añanan di e kombenio,ku ta  inkluí un opshon di e klup pa 2023 balorá na 4 mion òf un indemnisashon di 3 mion. E promé ku a informá tokante  di e akuerdo tabata Jeff Passan di ESPN; e koresponsal di MLB Network Jon Heyman tabata  e promé pa divulgá e términonan di e kontrakt.

Sanó, di 26 aña, lo por bira agente liber despues di temporada 2021, pero su kontrakt nobo ta tèrminá despues di temporada di 2022 i e ta enserá un opshon di e klup pa un kampaña mas. Den 105 wega ku Minnesota aña pasa, e dominikano a bati 34 homerun i e  tabatin un linea di .247/.346/.576 ku 79 kareda empuhá.

Sanó a partisipá den sinku kampaña den Liga Grandi ku Twins, den kual e tin un linea di .245/.338/.498 ku 118 homerun i 315 kareda empuhá den 486 kompromiso.

E oriundo di San Pedro de Macorís a terminá na di tres lugá den e votashon pa Nobato di Aña den Liga Americana na 2015 i e tabata konvoka pa Wega di Tur Strea na 2017.

Pero Sanó  mester a lucha ku diferente leshon den su karera, inkluyendo un operashon pa kura  su hilchi di pia drechi promé ku e temporada di 2019.