Sospechoso asesinato Bakkerij de Zon kier para responsabel pa su arma so

276
Sospechoso den asesinato kier para responsabel pa su arma so.
WILLEMSTAD,—- E hòmber Jerrel Nivillac a splika den sala di korte ku e kier para responsabel pa su arma kandela so i ku ta esei so e ta kulpabel di dje. El a bisa ku e tabatin un arma kandela pero e arma no kier a tira, kual tambe el a splika ku e no a trata na tira riba e víktima Francisca. El a bisa ku e no tin nada di aber ku e kaso di asesinato i ta dispuesto na para responsabel solamente pa e arma kandela ku e tabatin.

Nivillac splika wes bon kla ku e no tin nada di aber ku e kaso asesinato i ku ta pa un fayo lo a kita bida di e víktima Francisca, kual el a asta splika ku ta e sospechosonan Pieter i Pieters lo a kita bida di e víktima. Segun su deklarashon ku ta inosentemente a kita bida di e víktima mirando ku e víktima no ta esun ku a mata Marlison Pieter den bario di Kura Piedra.

El a bisa wes di promé instansia ku e ta dispuesto na sinta kastigu pa su arma kandela, pero e no ta para responsabel pa algu ku e no a hasi, pues e otro sospechosonan tin ku papia e bèrdat.