Yu di Kòrsou sentensiá na pena di morto na Morocco no a presentá den korte na Hulanda

826
E yu di Kòrsou Shardyone S a keda sentensiá na pena di morto na Morocco i no por a presentá den korte na Hulanda kaminda tambe e tin un kas pendiente.

WILLEMSTAD,– E kurasoleño Shardyone S,  di 31 aña di edat, no a presentá dilanti un tribunal di Groningen na Hulanda djaweps último, mirando e echo di ku e ta será i sentensiá na morto na Morocco.

E kurasoleño mester a presentá dilanti hues komisario na Groningen dia 9, pero esaki no tabata posibel ya komo ku e ta sera wardando su ehekushon.

E hòmber a risibí kastigu di pena di morto na Morocco pa un maltrato, miéntras ku na Hulanda e ta sospechoso di a maltratá un muhé i agentenan polisial, den un kaso ku a tuma lugá na aña 2017.

E kaso na Groningen ya a keda posponé vários biaha. Na e momentunan aki e situashon ta ku no sa ki dia e kaso lo bolbe ser tratá na Hulanda.