ABN Amro: 0% interes entrante aprel 2020

68
banko lo tin un interes negativo di -0,5%
AMSTERDAM—Komo e promé banko grandi na Hulanda ABN Amro lo no duna interes mas riba plaka di spar entrante aprel 2020.

Klientenan ku tin mas di 2,5 mion euro di spar na banko lo tin un interes negativo di -0,5%. Ta trata di 5200 kliente. Estado tin un mayoria di akshon den e banko.  Fin di oktober e banko a baha su interes di spar pa mayoria kliente na 0,01%. Esaki ta e nivel tambe di otro bankonan grandi. ING ta duna 0,01% interes riba plaka di spar te 1 mion. Rabobank ta paga 0,01% te e suma di spar di 5 mion euro. Riba esaki e tarifa ta 0%. Klientenan ku tin te 100.000 euro di spar no mester teme pa un interes negativo.  95% di klientenan tin bou di 100.000 di spar. Voklsbank, kompania madre di SNS Bank, regiobank i ASN no ta eskluí interes negativo riba 100.000 euro. Pa sumanan entre 25.000 i 100.000 e banko lo por tin 0% interes. Pa sumanan te 25.000 Volksbank ta keda ofresé un interes di 0,01%. Minister Hoekstra di Finansa a bisa ku lo no bini prohibishon riba interes negativo riba plaka di spar. Segun e minister esaki ta un medida muchu drástiko. Segun e minister bankonan no tin intenshon pa introdusí interes negativo pa spardónan ku tin bou di 25.000. E interes abou riba plaka di spar ta keda okashoná pa e interes abou riba merkado i but riba interes ku bankonan mester paga banko sentral oropeo.