Alex Wood ta bèk ku Dodgers

76
E picher surdo Alex Wood i Dodgers a yega na un akuerdo pa un temporada

LOS ANGELES,– E picher surdo Alex Wood i Dodgers a yega na un akuerdo pa un temporada, asina un fuente a informá Mark Feinsand di MLB.com.

E ekipo no a konfirmá e akuerdo.

Wood ta bai hañá 4 mion dòler komo salario básiko, i si e kumpli ku algun meta lo e por logra na yega un montante máksimo di 10 mion dòler..

Wood awor ta bai Los Ángeles bek, kaminda el a yega di picha entre 2015 i 2018 promé ku el a keda kambia ku Cincinnati aña pasa durante di temporada morto.

Entre e 60 pichernan ku a tira por lo ménos 800 inen den Liga Grandi for di 2013te ku2018, Wood ta na e di 12 lugá ku efektividat di 3.29 i na di 12 lugá ku FIP di 3.36.

Pero na 2019 Wood su promé apertura di temporada tabata te dia 28 di yüli debí na un leshon na su lomba. E surdo tabatin un promedio di kareda limpi di 5.80 i FIP di 6.38 den shete apertura promé ku el a bolbe keda for di akshon pa motibu di e mesun problema ku su lomba.