Atomic ta gana C.H. Mahuma 2-0

108
"Chucho' Sepulveda (17), kende tabatin un golaso for di un tiru liber pa Atomic, aki den lucha pa e bala.
WILLEMSTAD—E kampionato di futbòl FFK den di 2 divishon a sigui ayera, ku un partido. Esaki den Stadion Ergilio Hato na Brievengat, na momentu ku Atomic a sali kontra di C.H. Mahuma ayera.

E partido, ku a keda dirigí pa rèfri Edsel Dimie, a finalisá den un triunfo ku skor di 2-0 pa Atomic, despues ku Lionel  Lacroes i Fidel ‘Chucho’ Sepulveda, tabata esnan ku a anotá.

E kampionato aki ta sigui mañan djarason, dia 15 yanüari 2020, ku 2 wega. Ámbos ta hunga na Stadion Antoine Maduro na Kintjan. 7’or Indekor ta topa New Song i 9’or di anochi, U.D. Tera Kòrá lo enfrentá Sithoc.