Cardenales ta den negoshashon pa Arenado

75
E ekipo di San Luis ta den negosiashon ku Colorado pa nan haña Nolan Arenado pa temporada 2020.

SAN LUIS,– Cardenales den e último dianan a surgi komo un di e pretendientenan pa atkirí e tersera base Nolan Arenado for di Rockies, segun informashon di vários fuente.

Un di e fuentenan a bisa ku Colorado i San Luis tabata den negoshashon “preliminar” over di Arenado, ku a yega di wòrdu konvoka sinku bia pa Wega di Tur Strea i a gana wante di oro shete bia.

Cardenales ta pretendé di agregá otro strea na nan ekipo promé ku  springtraining kuminsá otro luna.

Arenado ta un alternativa si nan no logra renobá e kontrakt ku e outfilder dominikano Marcell Ozuna.

San Luis tin e rekursonan ekonómiko pa paga e 234 mion dòler ku ta sobra di e kontrakt di Arenado pa e siguiente shete temporadanan, aunke e tersera base lo por sali di su kontrakt despues di 2021. San Luis tin e fleksibilidat  den su presupuesto a largo plaso, ku apénas tres hungadó, Paul Goldschmidt, Miles Mikolas i Paul DeJong, bou di kontrakt despues di 2021.

Debí na un klóusula pa rechasá kualkier kambio, Arenado lo mester duna lus bèrdè pa kualkier traspaso. E tersera base a ekspresá su rèspèt pa e tradishon ku Cardenales tin komo ganadó. . Otro faktor klave ta e amistat ku e tin ku Goldschmidt,. Tur dos tabata parti di e selekshon di

Estados Unidos ku a konkista e Klásiko Mundial di Beisbòl na 2017.