Charlison Benschop awor ku Apollon Limassol na Chipre

115
Charlison Benschop.
CHIPRE—E atakante di nos selekshon nashonal di futbòl, Charlison Benschop, lo bai ta parti di e ekipo di Apollon Limassol, den futbòl na Chipre. Esaki despues di tabata últimamente den futbòl na Hulanda, hungando den Eredivisie ku FC Groningen.

Sinembargo tabata den kurso di e dia di ayera, ku e ekipo di Chipre, a hasi anunsio di yegada di nan atakante nobo.

Benschop a djòin FC Groningen aña pasá, despues di tabata ku e ekipo di FC Ingolstadt 04, na Alemania.

Charlison a anotá na 3 okashon den 17 wega ku FC Groningen den Eredivisie, i no a logra pa tabatin siguransa pa un puesto titular i a opta pa otro opshon.

Un ke otro unda ku e la firma un kontrato te ku aña 2021 na Chipre, apesar ku no a hasi menshon di e montante ku e la firma p’e. Tur esaki despues ku ya tabatin e rumornan i ku inkluso e no a biaha ku e ekipo di Groningen pa nan trainingscamp.