Dama mester paga 2,1 mion di froude den kuido

71
6 aña largu dama a entregá fakturanan falsu na seguro
EINDHOVEN—Un dama di Eindhoven mester paga estado hulandes un suma di alrededor di 2 mion euro bèk di froude den kuido.

Asina hues a disidí den e kaso ayera. E suma aki e dama a estafá den e periodo entre 2007 i 2013 tempu el a presentá su mes komo intermediario pa hendenan ku un presupuesto personal, segun korte. Dos aña pasa e dama a keda sentensiá pa e froude akin a 28 luna di kastigu, di kua 6 luna kondishonal. E dama di 59 aña tabata ofresé servisionan komo intermediario pa petishonnan di presupuestonan personal (pgb). Tambe e tabata hasi atministrashon pa e grupo i tabatin akseso na nan kuentanan bankario. Sin nan konosementu e dama tabata falsifiká formularionan i tabata kobra seguro kuido ku nunka el a duna. E plaka e tabata manda pa su propio kuenta bankario. Fiskal a kalkulá ku el a hinka total 1,9 mion euro den su saku. Korte a yega a base di pruebanan na un suma mas haltu, ku ta 2,1 mion euro.