Eksplosivo dilanti kas di burgemeester Maasdriel

71
EOD mester a presentá pa desaktivá e eksplosivo
MAASDRIEL—Outoridatnan polisial a haña un eksplosivo (handgranaat) dilanti kas di burgemeester di Maasdriel na Kerkdriel.

Diferente hende a keda evakuá di nan kasnan mientras a sera parti di sentro di Kerkdiel. Explosieven Opruimingsdienst EOD mester a presentá pa desaktivá e eksplosivo. Burgemeester di Maasdriel ta Henny van Kooten, ku ta habitante di e kompleho di apartamento kaminda deskonosínan a pone e eksplosivo. E no ta eskluí ku esaki ta un atvertensia segun Brabants Dagblad. Pa e motibu aki mésora outoridatnan a pidi asistensia di EOD. Polis lo sigui ku e investigashon.