Haiti sin gobièrnu i sin Parlamento

88
E situashon sosial, ekonómiko i polítiko di Haiti ta den un situashon basta serio.

PORT-AU-PRINCE – Haiti tin dies luna sin un gobièrnu i for di ayera, tambe sin Parlamento pa motibu ku legislatura a kaba den oranan di djaluna sin elekshonnan na bista pa renobá e Kámara di Diputadonan i Senado.

E presidente, Jovenel Moise, a deklará den un mensahe di Twitter ku e situashon di Parlamento i e final di 50 legislatura, suprayando ku e situashon ta generá un bashí institushonal.

Moise, kende ampliamente ta keda kuestioná pa oposishon i ta enfrentá protestanan na e último lunanan, lo goberná desde awor e dekreto i sin ningun kontratempu.

Den otro mensahe riba Twitter, Moise a probechá pa yama e aktornan polítiko pa uni i di e forma aki transformá e estado den un estado ku ta traha den e servisio di poblashon i pa pone fin na e krísis permanente ku ta hipoteká e futuro di e pais.

E final di e legislatura a kousa polémika pa motibu ku ainda no ta masha kla e number di senadornan ku ta sigui na kargo, diferensiá for di e Kámara di Diputadonan, riba kua tin dudanan serio.

Moise a afirmá ku el a kaba mandato di dos tèrsio di Kámara, ku ta konta ku 30 miembro, pero e Senado ta konsiderá ku 19 legislador tin di mantené nan kargo.

E kontroversia ta debí na e echo ku kada biaha di nobo ta skùif e elekshonnan den e último añanan i tambe debí na leinan elektoral ku ta permití interpretashonnan diverso relashoná ku durashon di mandato di e senadornan.

E último elekshonnan parlamentario tabata planiá pa luna di òktober último, pero a di skùif paso Haiti tabata sumergí na e momentu ei den un ola di protestanan antigubernamental ku a paralisá e pais durante serka di dos luna largu.

Na final di e legislatura a grandese e bashí di poder ku tabata suponé di tin pa falta di un gobièrnu i a produsí un momentu di krísis polítiko, sosial i ekonómiko grave.

For di luna di mart di aña 2019, Haiti ta karesé di un promé minister i tin un gobièrnu den funshon, despues di destitushon di parti Parlamento di e kabesante na e momentu ei, Jean Henry Céant.

For di e momentu ei, e presidente Moise a proponé dos promé minister, pero ningun di esakinan no a logra di keda aprobá finalmente pa e Parlamento.

Aktualmente, Moise ta manteniendo kòmbersashonnan ku oposishon ku e ophetivo di negoshá e formashon di un gobièrnu di unidat nashonal.

Moise a ekspresá su deseo di redaktá un Konstitushon nobo ku por duna mas poder na e figura di presidente, evitando ku tin di someté Parlamento na formashon di gobièrnu.

Haiti ta pasando den un fuerte instabilidat sosio-polítiko for di luna di yüli di aña 2018, pa e debilidat di ekonomia, e akusashonnan di korupshon ku ta riba Moise i tambe pa un inseguridat kresiente.