Hapoel Ra’anana AFC di Israel interesá den ‘Sontje’ Hooi

107
Elson 'Sontje' Hooi.
HULANDA—E futbolista, atakante di nos selekshon nashonal di futbòl, Elson ‘Sontje’ Hooi, ta ku ADO Den Haag den futbòl na Hulanda. Esaki unda ku inkluso ayera mes, e tabata parti di e sekshon di práktika di e ekipo ku ta militá den Eredivisie di futbòl na Hulanda.

Un ke otro despues di rumornan insistente ku tabatin ekipo su tras i ku inkluso tin un ekipo ku lo a òf lo bai firma e futbolista aki. Inkluso a hasi menshon ku ta trata di ekipo ku ta parti di e Premier League di futbòl na Israel, ku ta e ekipo di Hapoel Ra’anana AFC. Unda ku tambe a hasi menshon di e montante pa ku e traspaso, despues di negosiashonnan ku tabatin.

Sinembargo a keda konfirmá ayera, ku ‘Sontje’, bèrdat a keda aserká, pero no a mustra interes pa ta na Israel, teniendo kuenta kisas ku e parti di seguridat, unda sigur e ta sintié mas sigur i trankil na Hulanda. Esaki sinembargo no ta konfirmashon ku Hooi lo keda ADO, pero si te na e momentunan aki ta ku ADO i lo no bai ningun aventura na Israel.