Kenneth Maria ta sigui ku S.U.B.T.

102
Kenneth Maria.
WILLEMSTAD—Tékniko Kenneth Maria lo sigui na timon di e ekipo barika hel di Kintjan S.U.B.T., den Promé divishon di futbòl FFK. Esaki apesar di rumornan insistente ku tabata indiká ku lo e bai entregá su retiro ayera.

Sinembargo tabata ayera mes, ku dirigentenan di e ekipo a reuní ku miembronan, entre otro di e kuerpo tékniko i hungadónan, unda tur nanishi ta den mesun direkshon i lo bai kontinuá huntu den lucha pa bienestar di e ekipo. Esaki despues ku djasabra último nan a sufri nan di 6 derota konsekutivo, despues di hunga 7 partido, kual tabata unu pa goliada ku skor di 9-0 na man di Centro Dominguitu. Pues Kenneth Maria ta sigui ku S.U.B.T., unda ku ayera e tabata na tereno i a dirigí den sekshon di práktika di e ekipo.