Pasahero ta agredí tripulashon di avion durante buelo

124
E hòmber despues a logra keda kontrolá i detené

ESTADOS UNIDOS – Un pasahero ku a dirigí su mes pa e kabina di un avion durante un buelo, a gòlpia e porta fuertemente i despues a agredí un asistente di buelo i a konfrontá agentenan di aeropuerto di Newark. Esaki awor ta enfrentá kargonan di agreshon grave i otro delitunan.

Matthew Dingley, di 28 aña i di New York, a keda detené den oranan di djaweps pa leshoná asistente di buelo i seis agente, entre nan un ku mester a keda hospitalisá ku fraktura na kuater repchi.

Un pasahero di e buelo di United Airlines di Washington pa Newark, a indiká na un medio di komunikashon ku na momentu ku Dingley a dirigí su mes rápidamente na e kabina, mesora el a kuminsá gòlpia e porta ku hopi forsa. E pasahero Mike Egnert a agregá ku Dingley despues di a agredí un asistente di buelo, e a trata na intervení.

Otro pasaheronan di e buelo a akudí na yudansa di e asistente i a logra kontrolá e situashon.

E hòmber a bira agresivo kontra e agentenan na momentu ku e avion a aterisá na Newark, okashonando ku nan a kai for di trapi di aborda ku tabata na e avion.

Poko despues, e agentenan por a kontrolá e hòmber i e agentenan leshoná i e asistente di buelo a keda trasladá pa un sentro médiko.

Dingley a keda akusá di agreshon grave, di a resistí detenshon i afektá transporte. Ta deskonosé te ainda si esaki ta konta ku un abogado.