Rangers a akordá pa un temporada ku Frazier

79
Frazier a bati  .251 ku 21 homerun, 67 kareda empuhá i un OPS di .772 den 133 partido ku Mets temporada pasa.

TEXAS,– Rangers a yega na un akuerdo di un aña i 5 mion dòler ku e tersera base Todd Frazier, segun un fuente a informá Ken Rosenthal di MLB Network djadumingu.

E pakto lo keda konkretisá despues ku Frazier pasa un prueba físika.

Frazier a bati  .251 ku 21 homerun, 67 kareda empuhá i un OPS di .772 den 133 partido ku Mets temporada pasa. E veterano ta yena dos lugá ku Rangers tabatin den temporada morto, un tersera base i un batido derecho.

El infielder tabata e di dos mió alternativa den e posishon ei tras di Josh Donaldson. Frazier lo bira un solushon a korto plaso, en komparashon ku un strea manera Nolan Arenado, ku tabata den tapara pa e ekipo di Texas riba e merkado di kambio.

Frazier lo por mira akshon na primera base tambe, ku ta otro puesto habri ku Rangers ta buska moda di yena, p’esei su kontrakt lo duna e ekipo profundidat den kuadro interior si nan logra haña Arenado for di Rockies òf un otro tersera base.