Representante kompania a yega korte nèt ora a kaba di duna nan 1500 florin di but

231
Representantenan di FIU ku tabata na korte.
WILLEMSTAD,— Korte den promé instansia a trata diferente kaso penal ayera kontra algun kompania, ku ya pa algun tempu mester a bai registrá nan mes na FIU, pero no a hasi esaki. Financial Intelligence Unit Curacao, ta e instansia nobo ku ántes tabata MOT, unda empresa nan ku ta hasi transakshonnan grandi kèsh ta obligá na hasi esaki.

Fiskal mr Rozemeijer a representá Ministerio Públiko den e kaso unda e la trese dilanti ku ta un obligashon pa e kompania nan manera Makelaar i Car Rental registrá nan mes na FIU, unda tambe el a splika ku ya pa algun tempu kaba tabata kore tras di e kompania nan  pero nan no a kumpli. Den kaso di e kompania Youbi Car Rental a bin dilanti ku for di 2 aña pasá a aserka nan pa nan por registrá na FIU, kual nan a haña mas ku un karta pa nan tene kuenta ku esaki.

Tambe nan lo a haña un karta segun Ministerio Públiko, unda ta splika nan ku nan lo tin ku paga un transakshon di 1.500 florin pa evitá ku e kaso lo  bai korte di hustisia. Segun Ministerio Públiko ku despues ku a manda e karta aki tambe no a kontestá, kual a bolbe manda un karta pa nan i te ku 6 di desèmber aña pasá nan no a registrá pues pa esaki a dagfar nan pa presentá na korte pa para responsabel di e echo ku nan a keda sin bai registrá despues di a haña diferente atvertensia.

Ayera Ministerio Públiko a pidi 2.500 florin di but di kual 1000 ta kondishonal ku 2 aña prueba pa e empresa Youbi Car Rental, kual wes a honra e petishon aki. Un representante di e negoshi a presentá ora e kaso a kaba, unda wes mr. de Kort a but’é na altura ku su úniko opshon ta pa e bai den ‘verzet’ ku e kaso. Tambe a buta komo kondishon ku e kompania lo tin ku registrá nan mes den no ménos ku 1 luna di tempu.