Temblor di magnitut 5 registrá na nort di Chile

99
E temblor no a laga niun daño personal òf material atras.

SANTIAGO DE CHILE – Un temblor di magnitut 5 a sakudí e regionnan di Antofagasta, Atacama i Coquimbo, na nort di Chile, sin ku a informá te ainda di víktimanan òf dañonan material.

E movementu aki a keda registrá na 5:13 i su episentro a keda situá na 12 kilometer nort di e lokalidat di Chañaral i kasi 1.000 kilometer nort di Santiago.

E episentro, miéntras tantu, a keda lokalisá na 56.1 kilometer di profundidat.

E Ofisina Nashonal di Emergensia a detayá, ku di su banda, e temblor a keda sintí na un intensidat di grado 4 na e lokalidat di Taltal i tambe na Copiapó i Amarilla.

E Servisio Ideográfiko i Oseániko di Armada di Chile, a indiká ku e karakterístikanan di e temblor no a reuní e kondishonnan pa generá un sunami na kostanan di Chile.

Di su banda, e Servisio Geológiko di Estádos Unídos a situá e temblor na un profundidat di 70,6 kilometer bou di superfisie i su magnitut tabata di 4,8 grado riba skala di richter.

Te ainda, e temblor di mayor magnitut ku a keda registrá na Chile na aña 2020, a sosodé dia 8 di yanüari na nort di e pais ku un intensidat di 5.2, sin kousa herido òf dañonan material.

Na aña 2019, e temblor di mayor intensidat di magnitut 6.7 a sosodé dia 19 di yanüari na kosta sentral di e pais, for di e region di Atacama te ku O’Higgins.

For di e époka di kolonia, e pais, di 18 mion di abitante, tabatin un total ménos ku 80 temblor, ku solamente den e último 60 añanan a kousa 40.735 morto.