Trahadónan di kompania na Emmen no a haña protekshon

68
kompania a eksponé trahadónan pa años na supstansia peligroso
EMMEN—E kompania di filtro di airu AAF International na Emmen a neglishá diferente rapòrtnan di atvertensia riba seguridat.

Segun Dagblad Noorden diferente trahadó a keda eksponé pa años na un supstansia venenoso, sin nunka a tuma medidanan di protekshon. Den e lijm ku e kompania tabata usa tabatin e supstansia formaldehyde, un stòf kanseroso ku ta iritá wowo i pulmon. E trahadónan tabatin kehonan di dolor di kabes, iritashon di wowo i kansansio. Un di nan a haña kanser na pulmon ku e ta responsabilisá e kompania. Den oktober 2017 Inspekshon di Salubridat a sera e departamento. Algun luna despues a konfiská rapòrtnan i otro dokumentonan den un entrada hudisial. Dos manager ta keda persigui pa OM. E tratamentu di e kaso ta dia 23 yanüari. E kompania a haña rapòrtnan den 1999, 2008 i 2010 di nan servisio di labor ku a atvertí pa risikonan di salú. Tabatin konsentrashonnan di e supstansia ku ta surpasá e norma legal 22 biaha. E abogado di kompania ta bisa ku gerensia no tabata na altura i ku tin disponibilidat pa kompensashon.