Trump a outorisá Soleimaní su asesinato shete luna pasá

105
: Donald Trump, presidente estadounidense.

ESTADOS UNIDOS – E presidente di Estádos Unídos, Donald Trump, a outorisá e asesinato di e general iraní Qasem Soleimaní, shete luna pasá, esaki na momentu ku Iran provoká e morto di algun suidadano estadounidense.

E kanal, ku ta sita sinku funshonario i eks funshonario di e gobièrnu di Estádos Unídos, a presisá ku e òrdu presidensial a keda produsí na luna di yüni último i ta eksigí ku e mandatario a pone su firma definitivo riba kualke desishon spesífiko di mata Soleimani.

Segun fuentenan konsultá pa NBC, e outorisashon a splika ku pa e asesinato di Soleimani tabata entre opshonnan ku e Ehérsito a presentá na Trump dos siman pa respondé na un atake milisia na Irak, ku a kaba ku morto di e kontratista di Estádos Unídos i heridando otro kuater sòldá.

E fuentenan a señalá na e kanal ku na yüni último, John Bolton, a insta e presidente pa respondé na e echo ku a tira un dron estadounidense di parti Iran, dunando lus bèrdè den un operashon pa mata Soleimani.

Sinembargo, Trump a rechasá ku e argumento di solamente tuma e desishon aki si esaki nan ataká estadounidensenan.

E inteligensia di Estádos Unídos a sigui e movementu di Soleimani di aserka pa añanan kaba i e idea di asesiná esaki a surgi na aña 2017 durante diskushon entre e asesor di seguridat nashonal di Trump na e momentu ei, ku otro funshonarion.

Soleimani a keda asesiná dia 3 di yanüari último den un operashon militar di Pentágono ku un dron, serka di e aeropuerto di Bagdad.