Urny Floran: Mando di prizòn tin debido atenshon pa e kuminda di prizòn

528
Direktor di prizòn Urny Floran ta bisa ku nan tin atenshon pa e situashon di kuminda pa prezunan.
Willemstad,– Pa loke ta kushina ku ta entregá kuminda pa detenidonan señor Urny Floran a bisa Vigilante ku pa algun luna kaba ta hasiendo uso di esaki, miéntras ku ketu bai ta trahando riba restourashon di e kushina di SDKK.

E ta bisa ku durante fin di siman a hasi un biaha mas kontrol den e kushina kaminda ta kushina pa detenidonan. E ta akseptá ku siman  pasa detenidonan a haña un galiña hopi blanku, mirando ku esaki a keda stobá, pero no ku e tabata kurú. E ta bisa ku bèrdat último tempu tin hopi reklamo di detenidonan riba kuminda, kual ta kosnan ku bo por spera, mirando ku tin sierto hendenan será ku ta kousa sierto tenshonnan, pero ku tambe tin kaminda ku e instituto a faya i por a hasi mihó. Señor Floran ta bisa ku nan ta hasi nan esfuersonan i e parti di maneho tabata kaminda ta kushina i nan tin hopi atenshon riba e parti aki i tambe gerensia ta para pa drecha e kuminda di prizòn.