Botikario kondená pa trafikashon droga

101
botikario tabatin plantashon di mariwana na Spaña
UTRECHT—Un botikario (45) di Utrecht a keda kondená na 8 luna di kastigu, di kua 4 kondishonal den korte di Utrecht.

Segun korte e tabata sentral den e organisashon di droga i ademas tabata hòrtá remedi. Seis otro persona ku tabata envolví a haña kastigunan kondishonal, alternativo i but. E sospechosonan ta famia di e botikario. Di mei 2015 te ku febrüari 2016 el a hasi su mes kulpabel pa kultivashon di un plantashon di mariwana na Spaña i tambe trafikashon di droga. Den e investigashon reshèrshi a tap telefòn di e sospechosonan ku ta miembronan di e organisashon kriminal.  Sospechosonan a bende e droga na coffeeshops den Amsterdam. Den e investigashon riba trafikashon di droga a pone aparatonan pa graba den outo di e botikario. Di e grabashonnan aki por a konkluí ku e botikario tabata hòrta remedinan pa bende esakinan ilegal. Tambe el a hasi denunsia falsu di atrako pa estafá seguro. Polis a tene entrada den un edifisio na Utrecht den 2016 kaminda tambe detenshonnan a kai. Debí ku a dura 4 aña pa haña un veredikto den e kaso, esaki a surpasá e término di proseso penal, segun huesnan. E investigashon amplio ta kousa di e tardansa. Pa e motibu aki korte a duna ménos kastigu.