Dos sekretario di estado (D66) pa solushoná problemanan Belasting

91
ta spera solushon ku sekretario di estado èkstra
DEN HAAG—Lo introdusí un sekretario di estado èkstra pa ministerio di Finansa asina por solushoná e problemanan na servisio di Belasting.

Un sekretario di estado lo ta enkargá ku kobransa di belasting i reforma di sistema fiskal mientras e otro lo ta na enkargo di duana i rekargonan. Asina partidonan di koalishon VVD, CDA, D66 i ChristenUnie a disidí. Mester di dos pasobra ta hopi trabou tin segun prome minister Rutte. Tur dos mandatario lo ta di D66. Den desèmber sekretario di estado Snel (D66) a tuma su retiro pa motibu di e problemanan rondó di e kompensashon pa krèshnan. Servisio di Belasting a stòp e kompensashon pa krèsh inhustamente pa famianan loke a trese hopi problema pa nan. Snel a rekonosé e fayonan i a ofresé su diskulpa. El a tuma retiro pasobra pago di daño na e famianan no a kana segun plan. Koalishon ta rekonosé ku e problemanan na Belasting ta grandi. Awor tin speransa ku por solushoná e problemanan ku un sekretario di estado èkstra. Minister Hoekstra di Finansa a anunsiá resientemente ku e ta bai parti e servisio di Belasting den Toeslagen, Duana i kobransa di belasting.