Funshonarionan di universidat a malversá 1,2 mion euro

123
a konfiská kuenta bankario di funshonarionan
GRONINGEN—Tres funshonario di universidat di Groningen (RUG) a estafá 1,2 mion euro ku nan a pasa riba nan propio kuenta bankario.

E universidat a tuma medidanan laboral kontra e funshonarionan ku tabata traha den Fakultat di Idioma. E universidat a duna retiro na un dje trahadónan i a hasi denunsia di froude ku supsidio i falsifikashon di dokumento. Fundashon Network Humanitarian Action regularmente lo a retené supsidionan ku tabata destiná pa Rijksuniversiteit Groningen. E fundashon a keda fundá sin konosementu di e universidat. Bestür di universidat ta den shòk despues di e konstatá e malversashon. Ku nan akshon e trahadónan a tuma un rísiko grandi ku a hasi daño na reputashon di e universidat. No por konkluí otro ku a violá tur límite i ku esaki no por keda sin konsekuensia pa nan. E universidat lo hasi tur posibel pa restorá e konfiansa serka partnernan internashonal. E universidat a konfiská e kuenta bankario di e fundashon.