Outoridat Oropeo mester supervisá rutanan aereo

92
mihó Outoridat di Aviashon Oropeo EASA tuma desishon
DEN HAAG—Partido D66 no kier pa kompanianan di aviashon mes disidí riba rutanan di konflikto manera Iran i Irak.

Pa seguridat di pasaheronan ta mihó ku e Outoridat di Aviashon Oropeo EASA tuma desishon, segun parlamentario Paternotte. KLM a tuma desishon siman pasa ku nan lo no bula riba espasio di Iran i Irak despues ku misilnan a tumba un avion ukraina ku 176 pasahero riba Teheran. Algun ora promé Iran a lansá rakètnan riba un base merikano na Irak komo vengansa riba e likidashon di general Soleimani. D66 ta di opinion ku no mester laga e desishon di un ruta na kompanianan komersial pero meskos ku na Merka serka un outoridat di aviashon. Mester siña nos lès, segun Paternotte. E ta referí na e desishon 6 aña pasá di Malaysia Airlines pa bula riba Ukraina ku a kosta bida di mas ku 600 hulandes. E parlamentario ta kere ku e eskoho pa bula riba un sierto ruta no mester ta un kuestion di plaka versus seguridat.