Amsterdam ta introdusí medidanan pa konstrukshonnan nobo

100
medida pa prevení skarsedat di kas
AMSTERDAM—Si ta keda na munisipio di Amsterdam, kasnan nobo mester keda habitá pa esun ku kumpré.

Asina kier evitá ku invershonistanan ta kumpra kasnan pa duna na hür despues. Despues di investigashon e munisipio ta informá ku nan a haña un medida hurídiko pa solushoná e problema. E obligashon di biba den kas ku bo kumpra lo keda inkluí den kondishonnan di ‘erfpacht’ i ta konta pa e siguiente kumpradó tambe. E munisipio kier sòru ku e siudat ta keda un lugá kaminda tur hende por biba, independiente di nan entrada. Pa e motibu aki nan ta boga pa e kumpradó biba den e kas i ku no ta hasi negoshi ku ta pone preis di benta i hur di kasnan subi drástikamente. Tin algun eksepshon. Por hür ku famia direkto, tambe den kaso di estadia temporal den eksterior por hür e kas. E suma máksimo ku por hur e kas ta 1027 euro.