CDA i VVD tambe ta sostené prohibishon vürwèrk

91
tur partido di akuerdo ku prohibishon vürwèrk
DEN HAAG—Partidonan di koalishon VVD i CDA no ta opone prohibishon di vürwèrk mas, segun e diferente frakshonnan.

E frakshon di CDA a bisa ayera riba e tópiko i a yega na e konklushon ku en berdat sierto vürwèrk ta peligroso pa e konsumidó. E frakshon di VVD tambe ta sostené un prohibishon awor. Tur dos partido ta apoyá e idea di show di vürwèrk kaminda no ta hasi uso di vürwèrk peligroso mas. CDA tabata kontra un prohibishon total pasobra e tabata di opinion ku mester a prohibí solamente esnan peligroso. E dos otro partidonan di koalishon D66 i ChristenUnie i tur otro partido den Tweede Kamer a bisa ku mester bini un prohibishon riba vürwèrk peligroso. Durante kambio di aña tabatin 9300 insidente ku a sali for di man. Esaki a pone ku tur partido kier pa atende ku e prohibishon mésora.