Hospital Leeuwarden ta suspendé data despues di atake sibernétiko

110
kriminalnan kier haña informashon di pashèntnan

LEEUWARDEN—Hackers a purba drenta e sistema digital di hospital di Leeuwaarden Medical Center.

Pa e motibu aki e hospital a stòp su tráfiko di data. Esaki ta enserá entre otro ku e dokumentonan di pashèntnan no ta aksesibel i no por komuniká digital ku otro hospitalnan. E personal no por traha na kas tampoko. Ainda ta hasiendo investigashon segun un bosero di hospital. E kuido pa pashèntnan ta sigui normal komo tambe e sistema di komunikashon interno. No ta konosí ainda si e kriminalnan digital a logra haña akseso na informashon di pashèntnan. Resientemente a bira konosí ku tabatin problemanan di seguridat ku e konekshonnan di hospital. Ku e paro e hospital ta spera di prevení ku kriminalnan ta yega na e data. MC Leeuwarden no tin idea kuantu lo dura pa solushoná e problemanan.