Tres piloto hulandes  detené den kaso kokaina

154
82 kilo kokaina na bordo
SCHIPHOL/BUENOS AIRES—Na aeropuerto internashonal di Argentina duana a haña 80 kilo kokaina den un avion di martinair cargo.

Martinair Cargo ta kompania di Air France-KLM i tin Schiphol komo base. E tres pilotonan hulandes i 4 trahadó na airport a keda detené. Ta trata di vuelo MP 6912, Boeing 747, ku mester a lanta vuelo 13:00 pa Quito i Amsterdam. E avion tabata yen di kabainan polo. Duana a haña e droga despues ku kachónan a hasi kontrol. E avion a sali for di Brazil i yega Argentina ayera. E lote di kokaina posiblemente tabata na bordo kaba. Mas di 50 agente, un hues i 5 kachó tabata parti di e akshon di búskeda. Probablemente polis a haña un tep tokante e transporte.