Konfiskashon 921 kilo kokaina na Vlissingen

151
droga balorá na 92 mion euro
VLISSINGEN—Durante un kontrol den haf di Vlissingen, Duana a interseptá un lote di 921 kilo di kokaina.

E droga tabata den un konteiner di banana, segun duana. E konteiner tabata prosedente di Ecuador. Ku asistensia di un scan a logra deskubrí e kokaina djamars den e karga di banana. Entretantu a destruí e kokaina. Kriminalnan a pèrdè alrededor di 92 mion euro ku e konfiskashon. No tabatin detenshon. Den haf duana ta traha den koperashon ku polis i marechaussee. 1 kilo di kokaina no-prosesá ta kosta 35.000 pa 38.000 euro. E kliente ta paga entre 50 pa 60 euro pa gram pa kokaina prosesá ku ta konsistí di 60% kokaina puru.