Segun spesialista Kuido den CMC no a bai dilanti pa loke ta material i aparatonan

130
Tin spesialistanan ku ta reklamá falta di material i aparatonan den CMC.

Willemstad,– Den kombersashon ku un spesialista médiko lokal, el a splika Vigilante ku tin basta problema na CMC i ku e kos no ta tal manera gerensia kier splika.

E ta bisa ku pa loke ta e hospital mes, sigur esaki ta kómodo, pero pa loke ta e asuntunan médiko i kuido, ta basta problema tin.

E ta splika ku entre otro si ántes un spesialista manera é, tabata wak 20 pashènt pa dia, awor e lo por wak solamente dies i esaki ta debí na hinter e sistema di entre otro IT ku nan a bini kuné.

El a splika Vigilante ku awor ta e mes mester sinta i yena tur dato den kòmpiuter, kual ta un trabou ku ta kita masha hopi tempu i pa kolmo kontinuamente tin un òf otro problema ku e kòmpiuternan. Segun e spesialista aki, miéntras ku tur kos no ta korektamente yena no por atendé ku e pashènt i esaki ta pone ku e lista di espera pa pashèntnan kada dia ta sigui bira mas largu.

Pa loke ta material i aparatonan, aki tambe e ta splika Vigilante ku tin skarsedat sigur di material pa nan komo spesialista traha kuné i ku ta tur ora nan ta splika esaki na esnan responsabel, pero no ta parse ku tin atenshon pa nan petishonnan.

Hasta el a splika nos ku tin sierto spesialistanan ku for di trempan a splika ta ki tipo i ki marka di aparato nan mester pa traha kuné, pero aki tambe a neglishá esaki i apesar di a puntra nan hopi tempu adelantá, a bibi ku aparatonan / mashinnan di totalmente un otro marka, siendo ku sierto spesialistanan tin mas ku 30 aña ta usa otro marka i ku kual pues ya nan a kustumbrá.

Poniendo tur e kosnan aki huntu, e persona ku a papia ku Vigilante a splika ku e no por bisa ku kuido a bai dilanti ku binimentu di e hòspital nobo, si e ta bisa ku pa loke ta e pashènt